കഥകളിലെ മുത്തശ്ശി

വെഞ്ചാമരം പോലെ മുടി, ചുളുങ്ങിച്ചുരുങ്ങിയ ദേഹം, കനിവുള്ള കണ്ണുകളും ഇടറിയ ശബ്ദവും- പേര് മുത്തശ്ശി.

സൂര്യനും ചന്ദ്രനും നക്ഷത്രങ്ങളും , മഴയും മഞ്ഞും കാറ്റും പിന്നെ അമ്മയും.. ഇങ്ങനെ ചോദിക്കാതെതന്നെ നമുക്ക് കിട്ടിയ കുറെ അത്ഭുതങ്ങളുണ്ട്. പക്ഷേ ഇത്തിരികൂടി ഭാഗ്യമുള്ളവര്‍ക്കെ മുത്തശ്ശിയെ കിട്ടൂ. നാലുകെട്ടും പടിപ്പുരയും മണിച്ചിത്രപ്പൂട്ടും ഒക്കെ പുനര്‍ജീവിപ്പിക്കുന്നതുപോലെ ഒരു മുത്തശ്ശിയെ കിട്ട്വോ ഇക്കാലത്ത്?! മുകളിലിരിക്കുന്ന ഏറ്റവും വലിയ ആ ആര്‍ക്കിടെക്റ്റ് വിചാരിച്ചാലും നടക്കില്ല. ഒരു മരണം നടക്കുമ്പോള്‍ രണ്ടു ജനനം നടക്കുന്ന ഈ ഭൂമുഖത്ത്, ഒരു മുത്തശ്ശി പോവുമ്പോള്‍ പകരം ആരുമില്ല. സമുദ്രത്തിലേക്കുള്ള ഒരു നീരൊഴുക്ക് നില്‍ക്കുന്നത് പോലെ.. നന്മയുടെ ആഴക്കടലില്‍ നിന്നും ഒരു കുമ്പിള്‍ കുറയുന്നതുപോലെ.

പ്രായമായ ഇന്നത്തെ സ്ത്രീയും മുത്തശ്ശിയും തമ്മില്‍ ഒരുപാട് വ്യത്യാസങ്ങളില്ലേ.. തൈലവും കുഴമ്പും കാച്ചെണ്ണയും ഒരുഭാഗത്ത്‌ ,ആന്റി എജിംഗ് ക്രീമുകളും വാസെലിനും ഹെയര്‍ ‌‌ൈഡയും മറുഭാഗത്ത്‌. ഇന്നലെയുടെ ബാല്യവും കൌമാരവും ഗാര്‍ഹാസ്ത്യവും മാറിയതിന്റെ കൂടെ വാര്‍ധക്യവും മാറി. അങ്ങനെ മുണ്ടും നേര്യതും ഉടുത്തു രാമായണം വായിച്ചിരുന്ന മുത്തശ്ശി ഓര്‍മ്മകളില്‍ മാത്രമാവുന്നു.

പാടവും പുഴയും കടന്ന്, മലകളും പാലങ്ങളും കടന്ന്..അങ്ങകലെ മുത്തശ്ശിയുടെ വീട്. തിരക്കുകള്‍ മാറ്റിവച്ച് ഓടിവരുന്നതും കാത്ത്, പരാതികളും പരിഭവങ്ങളും പ്രാര്‍ത്ഥനകളുമായി ഒരു മുഖം.

”രണ്ടീസായി എനിക്ക് തോന്നിയിരുന്നു ന്‍റെ കുട്ടീ നീ വരുംന്ന്.”

വാതവും നടുവേദനയും ഒക്കെ മറന്ന്, നമുക്ക് പ്രിയപ്പെട്ടതെല്ലാം പാകം ചെയ്തുതന്ന്‍ മുന്നിലിരുന്നു കഴിപ്പിക്കും. വിശേഷങ്ങളും നാട്ടുവര്‍ത്തമാനങ്ങളും ആവലാതികളും ആശങ്കകളും ഒക്കെപ്പറഞ്ഞു മുത്തശ്ശി അങ്ങനെയിരിക്കും .. സ്റ്റോക്ക്‌ എക്സ്ചേഞ്ചിലെ കയറ്റവും ഇറക്കവും , ബിസിനെസ്സും ,തകര്‍ന്ന ബന്ധങ്ങളും മറച്ചുപിടിച്ച് മുത്തശ്ശിക്ക്‌മുന്നില്‍ നമ്മളും. ചുക്കിച്ചുളുങ്ങിയ വയറ്റില്‍ മുഖം ചേര്‍ത്ത് കിടക്കുമ്പോള്‍ കണ്ണിനുള്ളിലേക്ക് തണുപ്പ്കയറും . ചെറിയ മയക്കം കഴിഞ്ഞുണരുമ്പോള്‍ തോന്നും.. ഇത്രനാളും ഉറങ്ങാതെ പോയ രാത്രികള്‍ക്ക് പകരമായി എന്ന്.

തിരിച്ചിറങ്ങുമ്പോള്‍, പറയാത്ത വിഷമങ്ങളും ദുരിതങ്ങളും കണ്ടറിഞ്ഞതുപോലെ മുത്തശ്ശി പറയും..

”എല്ലാം ശരിയാവും കുട്ട്യേ, നല്ലതേ വരൂ”.

ക്ഷീണിചൊട്ടിയ കവിളുകളും നിറഞ്ഞ കണ്ണുകളും നമ്മെ യാത്രയാക്കും.തിരികെപോകുമ്പോള്‍ മുത്തശ്ശി മാഞ്ഞുതുടങ്ങിയിരിക്കും. പക്ഷെ ആ തലോടലില്‍ നിന്ന് കിട്ടിയ ഉന്മേഷം,അത് പോവില്ല. വിലനിലവാരസൂചികയില്‍ ജീവിതം നിന്നാടുമ്പോള്‍ ഇടയ്ക്കെപ്പഴോ മുത്തശ്ശി വീണ്ടും വരും, നിശബ്ദതയായി..നെടുവീര്‍പ്പായി..സ്വപ്നങ്ങളായി.

വിഷാദരോഗങ്ങളും ആത്മഹത്യകളും ചതിയും കൊലപാതകങ്ങളും കൂടുമ്പോള്‍ അതേ ത്രാസിന്റെ അങ്ങേത്തട്ടില്‍ നോക്കൂ .. അവിടെ മുത്തശ്ശിയില്ല.. അവര്‍ പറഞ്ഞുതന്ന നന്മയുടെ കഥകളില്ല.. വിശ്വാസവും കരുണയും സ്നേഹവുമില്ല. ഇതൊന്നും പറഞ്ഞുകൊടുക്കാന്‍ നമ്മുടെ ഇന്നത്തെ കമ്പ്യൂട്ടര്‍ മുത്തശ്ശിക്ക് സാധിക്കുന്നുമില്ല!!

Advertisements

17 Comments on “കഥകളിലെ മുത്തശ്ശി

  1. I loved this…!! Missing my muthassi… she was exactly the same as described… she bought me up, nd left me wen i was 13 :(…

  2. u r recreating some of our greatest nostalgia through your blog. This one is yet another finest one.. Nice post. Keep going re 🙂

  3. computerinte madithattilekkku pirannu veezhunna ee yugathil gathakalasmaranayile muthashiyude ormayilekku oralpaneram yathra cheyyan ticket thanna priyapetta kavi chechikku oraayiram nanni….

  4. An incrimainating blog controls a country.then a country is going to control their people,and then that people able to control their minds.so write for ever,congrats mis kavitha

  5. Kavithechi,muthasshiyekurichu paranjapol oarma vannathu EE PUZHAYUM KADANNU film ile rangamaanu.kavitha,thaangal ethra manoharamayi cheythirikunnu.thanx a lot dear.muthasshimaar jeevithathinte avibhaajya khadagangalaanu.avare kaathu sookshikendathu nammude kadamayum.thank u sîster

  6. thirichu kittumo muthassikadhayila balyam cheruppathil kalikkumbol pirake pirake vanne bhakshanam vayilitte tharunna muthassiye orkumbol manassinte konil cheriyoru vingal anubhavapedunnu orupade nanni kavi a ormayileke orunimisham kondupoyathil may the flower flatter in u r way.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: