ഭ്രാന്തിന്‍റെ ഒരു വര്‍ഷം

ഭ്രാന്തിന്‍റെ ഒരു വര്‍ഷം.
രണ്ടായിരത്തിപ്പതിമ്മൂന്നാം ആണ്ട്. ഉച്ചരിക്കുന്ന ഓരോ വാക്കിലും പുതിയ അര്‍ത്ഥങ്ങള്‍ ഉണ്ടെന്ന തിരിച്ചറിവും, അര്‍ത്ഥങ്ങള്‍ മാറുമ്പോള്‍ കൂടെ ഞാനും മാറുന്നുവെന്ന സത്യവും, നഗരത്തിന്‍റെ ഒത്ത നടുവില്‍,പടുകൂറ്റന്‍ കെട്ടിടത്തിന്‍റെ ഒരു കോണില്‍ ഇരുപത്തിയാറ് വര്‍ഷങ്ങളുടെ അറിവില്ലായ്മയും നന്മയും പ്രണയവും, തെല്ലും മാറാതെ, മനസ്സും ബുദ്ധിയുമായി നിരന്തരം മല്ലിട്ട പന്ത്രണ്ട്‌ മാസങ്ങള്‍.
ഒരു വര്‍ഷം മുന്‍പ് കൊച്ചിയിലേക്ക് താമസം മാറുമ്പോള്‍ മനസ്സില്‍ ഭയം പ്രതീക്ഷയേക്കാള്‍ ഒരു പടി മുന്നിലുണ്ടായിരുന്നു. സുഹൃത്തുക്കള്‍ വിവാഹിതരായി പുതിയ ജീവിതം തുടങ്ങുന്ന നേരത്ത്,മാതാപിതാക്കള്‍ക്ക് മുന്നില്‍ സമയമാവശ്യപ്പെട്ടു നിന്ന എന്നെ കൊച്ചിയില്‍ എത്തിച്ച ഏതോ ഒരു ശക്തി.. പിതാവിനൊപ്പം ഞാന്‍ കാണുന്ന ശിവശക്തിയാവാം.. ഓരോ നിമിഷവും, ദാ, ഇതെഴുതുമ്പോള്‍ പോലും എന്നെ എനിക്ക് സമീപം എവിടെയോ ഉണ്ട്. രണ്ടു മുറികളും നീണ്ട ഒരു ഹാളും അടുക്കളയും .. പിന്നെ എന്നെ ഏറ്റവും മനോഹരിയാക്കിയ, മടുപ്പിക്കാത്ത, ബാല്‍ക്കണിയും. ഫ്ലാറ്റിലെ ജീവിതം അസ്വസ്ഥമായിരുന്നു ആദ്യമൊക്കെ. കോട്ടയത്തെ റബ്ബര്‍തോട്ടത്തിനു നടുവിലിരിക്കുന്ന വീടും.. പിന്നിലെ കാടുപിടിച്ചു കിടക്കുന്ന പഴയ കുളവും, അമ്പലവും, ഒരു കോണിലെ എന്റെ മുറിയും കുറച്ചു പുസ്തകങ്ങളും!! തിരികെ വിളിച്ചു.. പല തവണ.

ഉറക്കം വരാതെ ഫര്‍ണീച്ചറുകളില്ലാത്ത ഫ്ലാറ്റില്‍ , അരണ്ട വെളിച്ചവും പുറത്തെ ശാന്തതയും കണ്ടിരുന്നു. പകലുകളില്‍ ഉറങ്ങി രാത്രികളില്‍ സിനിമകള്‍ കണ്ടും വായിച്ചും കുത്തിക്കുറിച്ചും ദിവസങ്ങള്‍ കടന്നുപോയി. പതിയെപ്പതിയെ ഞാന്‍ താളം കണ്ടെത്തി. നഗരത്തിന്‍റെ നടുവില്‍ എനിക്കുമാത്രമായൊരു ലോകം. പുതിയ ജീവിതങ്ങള്‍ കണ്ടു, ചിലത് ഞെട്ടിച്ചു, ചിലത് മറന്നു. പക്ഷെ പ്രണയം എന്ന വാക്ക് മാത്രം മാറി നിന്നു. ടെലിവിഷനിലുള്ള ജോലി ഒഴിച്ചു നിര്‍ത്തിയാല്‍, പുറത്തേക്ക് പോക്ക് സിനിമ കാണാന്‍ മാത്രമായിരുന്നു. സുഹൃത്തുക്കള്‍ കുറവ്, കാരണങ്ങള്‍ കുറവ്. പുറം ലോകം ഞാന്‍ ബാല്‍ക്കണിയില്‍ നിന്നു കണ്ടു.

എനിക്കറിയാത്ത ഒരു പെണ്‍കുട്ടി എന്നിലുണ്ടെന്നു തോന്നിത്തുടങ്ങി. എഴുതിയത് കീറിക്കളഞ്ഞു ശീലമുള്ള ഞാന്‍ , ഇവിടെ വന്നു ആദ്യമെഴുതിയ കഥ പല കഷണങ്ങളായി താഴേക്ക്‌ പറത്തിയിട്ടുണ്ട്. പിറ്റേദിവസം അതിരാവിലെ അവ പെറുക്കിയെടുത്ത് അതെ കടലാസ്സു കഷണങ്ങളില്‍ തല ചായ്ച്ച് ഉറങ്ങിയിട്ടുമുണ്ട്. ഭാഷ നല്ലതല്ല, കഥകള്‍ വികലമാണ്, എനിക്ക് പറ്റിയ പണിയല്ല.. പക്ഷെ എനിക്ക് എഴുതിയേ തീരൂ. കാരണം എനിക്ക് പറയാനുണ്ട്. കാരണം ഞാന്‍ നിറയെ സ്വപ്‌നങ്ങള്‍ കാണുന്നു. കാരണം ഞാന്‍ ചിരികളെക്കാള്‍ കണ്ണീരില്‍ ജീവിതം കാണുന്നു.

ഈ ബ്ലോഗും ഒരു വര്‍ഷവും ഇവിടെ തീരുന്നില്ല. എന്റെ ഭ്രാന്ത് എന്‍റെ ജീവിതം തന്നെയാണ്‌. ഈ വര്‍ഷം, കവിതയെന്നു അച്ഛന്‍ പേരിട്ടു വിളിച്ച പെണ്‍കുട്ടിയുടെ ജീവിതത്തില്‍ വെളിച്ചം പകര്‍ന്ന നാളുകളാണ്.. അവ തന്ന മയക്കം മാറാതെയിരിക്കട്ടെ.. കടലാസ്സുകളില്‍ ജീവിതത്തിന്‍റെ പ്രണയം നിറയ്ക്കാന്‍ എനിക്ക് കഴിയുന്ന ആ ദിവസ്സം, അന്ന് മാത്രം ഞാന്‍ പറയും, 2013 അവസാനിച്ചു.. ഇനി പുതിയ സ്വപ്‌നങ്ങള്‍ എന്ന്! അതുവരെ.. ഭ്രാന്ത് തുടരും.. പ്രണയത്തിന് പിന്നാലെ..

കവിത നായര്‍.

Advertisements

21 Comments on “ഭ്രാന്തിന്‍റെ ഒരു വര്‍ഷം

  1. kavithayum, pranayavum, bhraandum…. oramma petta makkal aanu… ivar dinamprathi valarnnu kondee irikkum..!! poorvaadhikam shakthiyaayi ineem ezhuthu… Pranayam oru bhraandaanengil… ee lokam oru bhraandaalayam ennu vilikkaane kazhiyu..!! Ezhuthu.. to the one’s u love.. and for the one’s who loves u..!! You might not know how many are praying for your good..!! Def.. count me one among those..!! Wish you and family a wonderful and prosperous New Year..!!

  2. എല്ലാവിധ ഭാവുകങ്ങളും 🙂
    ഹൃദയം നിറഞ്ഞ പുതുവത്സരാശംസകള്‍‌‌ 🙂

  3. Another post that really touches the heart..! brandhu ennu vicharichu keeri kallayunna orro page’um vayikuvannayi aakamashayode kaathirrikkunna enne pole ulla aalkar undennu orkkuka… Wishing you a happy new year ahead…! God bless….

  4. Saariyil nee ethra sundariyaanu kavitha….kavitha mukalil kuricha vaakkukalekkaal manoharam…ezhuthu ozhivakkanda nannaavunnundu…happy new year…

  5. Your words truly make all of us think more and dream high. wishes ❤
    Even I am a lonely dreamer living in between the conflicts of past and present.
    An amazing article 🙂

    A well wisher
    Ammu

  6. ennanu vayichathu-2014 nov 21 nu.ezhuthaan kazhiyumallo, pinnenthe ezhuthathathu?nannayittundu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: